虎姐的部落格

 阿母！阿母！！

妳是世界上最偉大的人，

妳的恩情無得比！

我在腹肚內的時，

妳輕聲細說，小心行動，

恐驚有任何閃失！！

我紅嬰的時，

妳日也搖，暝也搖，

昐望我一暝大一尺！！

我腹肚餓的時，

妳將奶粉、麵茶趕緊來泡起！！

阿母！阿母！！

你是世界上最偉大的人！

你的恩情無得比！

我入學的時，

我不敢去學校，

妳都逐日陪阮去！

我考試的時，

妳準備仙草、粉條擱咖啡，

應時水果满满是！！

我出外的時，

妳一再吩咐，衫褲要好看，

頭毛要整理！

阿母！阿母！！

妳是世界上最偉大的人，

妳的恩情無得比！！

我吃頭路的時，

妳每日問東問西，

擔心我的工作無得意！

我破病的時，

妳燉湯、煎藥採仙丹，

照顧我像親幼子一款！

我失敗的時，

妳提出家伙變賣現金，

有絆鍊、手環和心愛的手指！

阿母！阿母！！

你是世界上最偉大的人！！

妳的恩情無得比！

我結婚的時，

妳走內走外直直笑，

看著親友全到，歡喜面紅心肝燒！！

我生子的時，

妳油飯、紅卵分透透，

擱送我一個「按怎教子」的大紅包！

我退休的時，

妳時常陪我談今說古，散步看海，

給我未記老人的痛苦！

阿母！阿母！！

妳是世界上最偉大的人，

妳的恩情無得比！！！